White Collar – Risiko

Leben ist Risiko und Risiken sind allgegenwärtig. Eine Übersicht mit kurzen Erklärungen veranschaulicht Begriffe aus der Welt der Risiken.

Liquiditätsrisiko
Dä Stutz isch fertig, aber es hät no vil Monat

Erfüllungsrisiko
Häsch scho twintet, aber s'bschtellte Züügs chuunt nöd

Länderrisiko
Vo China sött d'War cho, aber die händ de Chäfer

Klumpenrisiko
Sötsch nöd alle Schmuck i eis Truckli legge

Marktrisiko
D‘Aktion vom Denner isch scho geschter abgloffe

Kreditrisiko
De Kari hät de Chlütter, wo nem geschter uusglehnt ha, scho total versoffe

Zinsänderungsrisiko
D'Hells meined s'Geld won I bim Poker verlore han, söll I jetzt drüüfach zrugg zahle

Kursrisiko
De Bitcöin isch scho wieder verreist

Ausfallrisiko
Es heisst, de Kuno, won I Geld gäh han, seg nach unbekannt, eventuell Thailand in ä Kommune, abgreist

Sits Rägeschirm git, chasch nüme risikofrei läbe: d'Gfahr, das dur de Räge nass wirsch, wird zum Risiko, das'd igasch, wänn de Rägeschirm nöd mitnimsch. Aber wenn'den mitnimsch, laufsch s'Risiko, dass'den irgendwo liegelasch.

Frei übersetzt nach Niklas Luhmann, Die Moral des Risikos und das Risiko der Moral

Marktrisiko
Das Velo han I bim HB abgestaubt, aber jetzt chan is nöd verscherbele, will jede schon es Velo hät (dänk sälber scho gmugget)

Opportunitätsrisiko
Ich het doch s‘andere Erdbeeryoghurt sölle näh, s'wär sicher besser gsi

Existenzrisiko
So schnäll isch öppis passiert und so schnäll häts di

Handlungsrisiko
Het hüt im Näscht söle bliibe, dänn wär de Seich nöd passiert

Entscheidungsrisiko
Woher, hueresiech, söll ich bi dem Gnusch wüsse was richtig isch?

Planrisiko
Ich han würkli alles aaglueget, aber gopf, warum isch jezt de letschti Zug scho abgfaahre?

Ergebnisrisiko
Zuegä, ich han mit em Hammer drufghaue, aber dänkt, es hebet

Risikoverschiebung
Gopferdeckel, mues I jetzt dänn bis siebezgi schaffe?

Risikovermeidung
Nachdem s'mer de Lappe, woni scho lang müme ha, jetzt scho drüümal entzoge händ, han I de Chlapf verchauft

Riskominderung
Geschter han I wäg em fahre die zweit Fläsche nüme usgsoffe

Risikotransfer
Vorem Zoll hani di gfälschti Louis Futton Täsche us Antalya am Küde in Koffer da

Bindungsrisiko
Woher söll ich wüsse, öb's i dere WG nöd äm Änd sonen unfaire Putzplan git?

Risikovorsorge
Mini iserni Reservä vo füfzg Gugene han I mer agleigt, aber d'Muetter hät sie bim butze fortgrüert

Restrisiko
De Faktor Mänsch, ich dänk da zum Bischbil an Wolfi, isch immer es Räschtrisiko

Risikosportart
D'Versicherig hät mer d'Leischtige kürzt, will s'meined ich seg mit dere Seifechischte in Stall gruschet, wills kei Brämse gha hät

Systemrisiko
Am erschte Auguscht häts i de Beiz en Asturm gäh und wills zwenig kauft händ isch de Supergau itroffe - s'Bier isch läär gsi

Unfallrisiko
Im Huushalt isch s'Unfallrisiko am höchschte hät d'Hanni gseit, nachdem sie vom Leiterli gheit isch

Lieferantenrisiko
Ich het doch no en zweite Lieferant sölle uuftue, wil min Dealer händs iibuchtet

Cyberrisiko
Dä Link i dem komische Mail het I nöd sele aklicke

Gesundheitsrisiko
Mal isch de Kafi es Risiko und plötzli isch er wider guet und sänkt s'Risiko vo chronische Chrankete; nur söttsch de Zucker und s'Rämli weglaa

Risikoaversion
Ich has nöd gärn, wän I bim Asiat d'spiischarte nöd verstan

Qualitätsrisiko
Min Mech hät so pfuscht, das I bim Töffli en Cholbefrässer gha han

Umweltrisiko
De Päde isch en Sauhund, de laat de Gagg vom Fido eifach ligge

Rechtsrisiko
Z'Palma bini id Ferie und es hät nu Baulärm gha, aber s'Hotel wott nüt zruggzahle

Ertragsrisiko
Mini Stude händ das Jahr nöd welle wachse, drum han I fascht kei Gras meh

Risikobewertung
S‘Risiko, das öppis passiert, wän I d'Haar i de Badwanne föne, han I als chli aglueget. Sisch dänn blöd gloffe, aber ich hamers schlimmer vorgstellt und bin nachher glich go büeze

Reputationsrisiko
Dä Ufstand wäge mim chline Witzli im Facebook han I scho es bitzeli übertribe gfunde